"Philips" 2025-ci ilə qədər işçilərini 6 min nəfər azaltmaq qərarına gəlib

Tibbi avadanlıq və məişət texnikası bazarının əsas istehsalçısı Royal Philips, şirkətdəki iqtisadi çətinliklər fonunda 6 min işçisini ixtisar etmək qərarına gəlib. Bu barədə təşkilatın saytındakı press-relizdə məlumat verilib.

Nəşr qeyd edib ki, bu qərarın əsas səbəbi tənəffüs çatışmazlığı olan xəstələrə lazım olan işləməyən süni nəfəs aparatlarının böyük partiyasının geri çağırılması səbəbindən şirkətin itkiləri kəskin artmağa başlayıb.

Şirkət ilk partiyanın 2021-ci ilin iyununda geri çəkildiyini, bunun üçün 867,3 milyon dollar ayrıldığını, 2022-ci ildə şirkətin kapitallaşmasının 46%, 2021-ci ilin iyunundan isə 63% azaldığını bildirib.

Noyabrın 28-də ABŞ-da yerləşən təkər istehsalçısı Goodyear Tire & Rubber Co iqtisadi çətinliklər fonunda işçi qüvvəsini 500 nəfər azaltmaq üzrə olduğunu bildirib. Press-relizdə qeyd olunub ki, bu qərar "qısamüddətli qeyri-müəyyən makroiqtisadi mənzərə” və inflyasiyanın artması ilə bağlıdır.

Bundan əvvəl Bloomberg xəbər vermişdi ki, texnologiya nəhəngi IBM Kyndryl və Watson Health bölmələrindən 3,9 min nəfəri ixtisar etmək niyyətindədir. Bu qədər işçi sayının azaldılması texnologiya nəhənginə 300 milyon dollara başa gələcək.


www.anews.az