Avstraliya İrana qarşı yeni sanksiyalar tətbiq edib

Sanksiya tətbiq edilən şəxslərin aktivlərinin dondurulması, habelə bu şəxslərin Avstraliya ərazisinə girişinin qadağan edilməsi nəzərdə tutulub.

Bundan əlavə, sanksiyalara məruz qalan İran vətəndaşları arasında ümumilikdə 13 fiziki və 2 hüquqi şəxs olmaqla, İran polisi, "Bəsic” hərəkatının üzvləri və mülki şəxslər var. Onların adı insan hüquqlarının pozulmasında hallanır.

Məlumata görə, bu günə qədər Ukraynada baş verən hadisələrlə əlaqədar Avstraliya 850 Rusiya və Belarus vətəndaşına, o cümlədən hər iki ölkə başçılarına - Vladimir Putin və Aleksandr Lukaşenkoya, eyni zamanda Rusiyanın iri müəssisə və təşkilatlarına qarşı sanksiyalar tətbiq edib.

Silah və komponentlərin, neft və qaz hasilatı üçün xammal və avadanlıqların ixracı, Rusiyadan enerji, silah və sursat idxalı da qadağan edilib. Bundan əvvəl Avstraliya hökuməti korrupsiya ilə bağlı cinayətlərdə şübhəli bilinən Rusiya vətəndaşlarına sanksiyalar paketi tətbiq edib.

Bu ilin fevralın 24-də Rusiya Prezidenti Vladimir Putin Ukraynada xüsusi hərbi əməliyyat elan edib. Buna cavab olaraq isə, ABŞ, Avropa İttifaqı, Böyük Britaniya, Avstraliya və bir sıra digər dövlətlər Rusiyanın fiziki və hüquqi şəxslərinə qarşı sanksiyalar tətbiq etdiklərini bəyan ediblər.

  

 

Aytac Zeynalova