BMT Türkiyə və Suriyaya humanitar yardım ayırdı

"Dünən Türkiyənin cənubunda və Suriyanın şimalında baş verən çoxsaylı zəlzələlərdən sonra BMT humanitar müdaxilənin başlanmasına kömək etmək üçün 25 milyon dollar qrant ayırdığını elan edib", - Dyujarrik bildirib.

BMT-nin baş katibi Antonio Quterreş daha əvvəl beynəlxalq ictimaiyyəti təbii fəlakətdən zərər çəkmiş ölkələrə yardım göstərməyə çağırıb.

 

BMT baş katibinin nümayəndəsi Stefan Düjarrikin sözlərinə görə, BMT koordinatorları Adana şəhərindədir. Onlar xilasetmə qruplarına kömək etmək üçün sabah Qaziantepə gedəcəklər.

 

Qazaxıstan Prezidenti Kasım-Jomart Tokayev hökumətə zəlzələdən zərər çəkən Türkiyəyə təcili yardım göstərmək üçün 1 milyon dollar ayırmağı tapşırıb.

 

Türkiyədə səhər saatlarında 7.7 bal gücündə zəlzələ baş verib. Dərinliyi 7 kilometr olduğu müəyyən edilən zəlzələ Hatay, Qaziantep, Kilis, Osmaniye, Malatya, Adıyaman, Şanlıurfa, Diyarbəkir, Adana və Kahramanmaraş vilayətlərində ciddi dağıntılara səbəb olub.

Son məlumatlara əsasən, zəlzələ nəticəsində 6234  nəfər həlak olub, 37 011 nəfər isə yaralanıb.