Ukrayna Rusiyanın iki təyyarəsini vurub

Fevralın 13- də Ukrayna Rusiyanın iki təyyarəsini vurub. Bu barədə Ukrayna Silahlı Qüvvələrinin Baş Qərargahının səhər hesabatında bildirilib.
 
Bildirilir ki, Rusiyanın işğal etdiyi 20-dən çox əraziyə hücum edilib.


"Son sutka ərzində Ukrayna aviasiyası Rusiyanın cəmləşdiyi ərazilərə 15 zərbə endirib. Müdafiəçilərimiz həmçinin düşmənin iki təyyarəsini - Su-24M və Su-25-i vurublar", - Baş Qərargahın məlumatında deyilir.


Bundan əlavə, raket və artilleriya bölmələri komanda məntəqəsini, 7 canlı qüvvənin cəmləşdiyi ərazini, 2 elektron döyüş məntəqəsini və rusların silah-sursat anbarını vurub. 

Rusiya tərəfindən bütün Ukrayna ərazisində zərbə təhlükəsi yüksək olaraq qalır. 
 
"Eyni zamanda, hava hücumundan müdafiə sistemimiz daim gücləndirilir", - qərargah qeyd edib.. 


Ötən sutka ərzində Rusiya Ukraynaya 2 raket və 32 hava zərbəsi endirib, çoxsaylı reaktiv yaylım atəş sistemlərindən 55 hücum həyata keçirib.


Ruslar əsas səylərini Donbasda, xüsusən də Baxmut istiqamətində irəliləməyə çalışırlar.
 
Fevralın 13-nə olan məlumata görə, Ukraynada Rusiyanın 296 təyyarəsi məhv edilib .
 
Aytac

www.anews.az