Rusiya müharibənin il dönümündə Ukraynanı kütləvi bombardman edə bilər- Mixail Podolyak

Onun sözlərinə görə, Rusiya tərəfi Ukrayna hava hücumundan müdafiə sistemlərini yükləmək üçün hava şarları buraxacaq.

Podolyak bir müddət əvvəl Ukraynanın Rusiya ərazisinə zərbə endirmədiyini, Kiyevin isə müdafiə üçün Qərbin verdiyi silahlardan istifadə etdiyini bildirib.

 

Rusiya-Ukrayna müharibəsinin ildönümü ilə əlaqədar fevralın 22-də İstanbulda Avropa İttifaqının Zirvə toplantısı keçiriləcək.

 

Daha əvvəl Ukraynanın müdafiə naziri Oleksi Reznikov Rusiyanın Ukraynaya qarşı yeni hücuma hazırlaşdığını bildirib və bunun 24 fevral tarixində başlaya biləcəyi barədə xəbərdarlıq edib.

Ukraynalı nazirin sözlərinə görə, Moskva artıq minlərlə qoşun toplayıb və ötən il başlatdığı işğalın ildönümündə nəsə etməyə çalışdığını bildirib.

Hücum Rusiyanın 23 fevralda qeyd etdiyi rəsmi bayramda – Vətənin Müdafiəsi Günündə də "reallaşa bilər”.

 

Almaniya, ABŞ və Böyük Britaniya Ukraynaya tank göndərilməsinə razılıq verdikdən sonra rəsmi Kiyev döyüş təyyarələrinin də göndərilməsi barədə təkrar müraciət edib.

Reznikov bildirib ki, Moskva mümkün hücum üçün 500 minlik qoşun toplayıb.

Aytac Zeynalova