Nizami Kino Mərkəzində pulsuz kino göstəriləcək

Martın 31-dən etibarən kinoteatrda hər bazar ertəsi, çərşənbə və cümə günləri Azərbaycan milli filmlərinin pulsuz nümayişi başlanılır

Martın 31-dən etibarən Nizami Kino Mərkəzində hər bazar ertəsi, çərşənbə və cümə günləri Azərbaycan milli filmlərinin pulsuz nümayişi başlanılır.

Nizami Kino Mərkəzinin bu aksiyası tələbə və gənclərin milli filmlərimizə marağının artırılması, ekran əsərlərində əks etdirilən millətimizə xas adət-ənənələrlə yaxından tanış olmaları, onların vətənpərvərlik ruhunda yetişməsinə dəstək verilməsi məqsədi güdür. 

Bundan əlavə, Nizami Kino Mərkəzinin layihəsində Azərbaycanın tarixi və tanınmış simaları haqqında filmlərin nümayişi də nəzərdə tutulub.

Qeyd edək ki, Nizami Kino Mərkəzində film nümayişlərinin səhər seansları 4 AZN, axşam seansları isə 7 AZN dəyərindədir.

ANN.Az