BMT Rusiya tərəfindən öldürülən ukraynalıların sayını açıqlayıb
22.02.2023 16:37
Müharibə başlayandan bəri 8000-dən çox ukraynalı ölüb, 13 mindən çox insan isə yaralanıb. Bu barədə BMT-nin İnsan Hüquqları üzrə Ali Komissarlığının yeni hesabatında bildirilib.
Məlumata görə, ölənlər arasında ən azı 487 uşaq, 954 nəfər isə yaralanıb.
Bildirilir ki, güclü döyüşlərin davam etdiyi və rusların yerləşdiyi yerlərə çıxış olmadığından dəqiq məlumat əldə etmək mümkün deyil.
"Ukraynanın digər işğal olunmuş ərazilərində, xüsusən Mariupol, Lisiçansk, Popasnaya və Severodonetsk kimi şəhərlərdə dinc əhali arasında itkilər barədə çoxlu məlumat hələ də təsdiqini gözləyir", - BMT bildirib.
Bundan əlavə, təşkilat son bir ildə rusların Ukraynadakı tibb müəssisələrinə 707 hücumunu qeydə alıb.
BMT-nin məlumatına görə, Ukraynada 17 milyon 600 min insan və ya ölkə əhalisinin demək olar ki, 40%-nin humanitar yardıma ehtiyacı var.
Son məlumatlara görə, müharibə başlayandan bəri Rusiya Ukrayna ərazisinə 4700-dən çox raket atıb.
Aytac Zeynalova
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
Foto
Video
