Pentaqon rəhbəri Çinə xəbərdarlıq edib

Çin hələ də Rusiyaya silah tədarükünü gündəlikdən çıxarmayıb. Bunu ABŞ-ın müdafiə naziri (Pentaqon rəhbəri) Lloyd Ostin deyib.

Onun sözlərinə görə, çinli həmkarı ilə bu barədə danışıb: "Mən həmkarıma demişəm ki, Rusiyanın dəstəklənməsi səhv addımdır. Bu, durumu daha da çətinləşdirəcək”.

L.Ostin bildirib ki, müharibə danışıqlarla başa çatacaq: "Danışıqların başlanğıc nöqtəsi isə Rusiya qoşunlarının Ukraynadan çıxması olmalıdır. ABŞ Ukrayna Silahlı Qüvvələri üçün mexanikləşdirilmiş briqadalar hazırlayır. Onlar əlavə artilleriya ilə birlikdə Rusiyanın müdafiəsini yarıb döyüş meydanında vəziyyəti dəyişə biləcəklər”.