Ağ Ev "TikTok"u silmək üçün hökumətə 1 ay vaxt verib
28.02.2023 11:51
Ağ Ev bütün federal qurumlarına 1 ay müddətinə "TikTok" sosial şəbəkəsini bütün hökumət cihazlarından silməyi əmr edib. Bu barədə xarici KİV-də məlumat yayılıb.
Bildirilib ki, Müdafiə, Daxili Təhlükəsizlik və Dövlət Departamentləri artıq "TikTok"dan istifadəyə məhdudiyyətlər qoyublar. Hökumətin qalan hissəsi 30 gün ərzində onlara qoşulmalıdır.
Avropa Komissiyasından sonra Kanada da Çinin dünyaca məşhur sosial media platforması TikTok üçün hərəkətə keçib.
Kanada hökuməti tərəfindən mobil cihazlarda TikTok-dan istifadə qadağan edilib.
Bildirilib ki, TikTok məxfilik və təhlükəsizlik üçün qəbuledilməz risk səviyyəsi yaradır və hökumət tərəfindən verilən cihazlarda giriş bloklanır.
Məlumata görə, 15 dekabr 2022-ci ildə ABŞ Senatı dövlət qurumlarına məxsus cihazlarda "TikTok”un qadağan edilməsinə səs verib.
fevralın 26-da Avropa Komissiyası işçilərə rəsmi smartfonlarda "TikTok”dan istifadə etməyi qadağan edib. AK işçilərindən rəsmi məlumatlara çıxışı olan şəxsi smartfonlardan proqramları silmək də tələb olunub.
Aytac Zeynalova
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
Foto
Video
