Türkiyənin zəlzələ bölgəsində tikiləcək evlərin sayı açıqlanıb

 

Tikiləcək evlərdən 392 350-si bina evi, 75 681-i isə kənd evi olacaq.

"1 ilimiz var. Bu müddət ərzində 468 min yaşayış binasının inşa edilməsini planlayırıq. Zəlzələ bölgəsində uçan, sökülməli olan və qəzalı binaların keçmişdə olan bütün borclarını silirik. Kahramanmaraş, Hatay, Adıyaman, Malatya vilayətlərinin hamısında Qaziantepin isə İslahiye və Nurdağı bölgələrində sakinlərin işıq və qaz pullarının ödənilməsi 3 ay müddətinə təxirə salınıb”, -  Ərdoğan qeyd edib.

 

Ərdoğan, artıq ilk 21 244 evin inşasının başladığını vurğulayıb.

 

45 mindən çox insanın ölümünə səbəb olan güclü zəlzələdən iki həftə sonra Türkiyə və Suriyanın sərhəd bölgəsində baş verən daha bir zəlzələ zamanı azı 8 nəfər ölüb.

Bazar ertəsi baş verən 6,4 bal gücündə zəlzələnin mərkəzi fevralın 6-da Türkiyədə dağıdıcı zəlzələdən ciddi zərər çəkən Hatay vilayətinin Defne qəsəbəsi olub.

Yeni zəlzələ Suriya, İordaniya, Livan və Misir də daxil olmaqla, bir çox ölkədə hiss olunub. Bu zəlzələnin ardınca 5,8 bal gücündə daha bir zəlzələ baş verib