Çobanın Bakıda qız qaçırtma sərgüzəştləri

Acınacaqlı maddi vəziyyət ucbatından bəyin toy eləmək imkanı yox idi.

Suraxanı rayonunda sonluğu faciə ilə bitən gülməli hadisə baş verib. Gəncin evlənmə arzusu qan tökməklə sonlanıb, xoşbəxtlikdən özü sağ qalıb.

Oxu.Az Vesti.az-a istinadən xəbər verir ki, Suraxanı rayonu 33-cü polis bölməsində 27 yaşlı işsiz, Yeni Günəşli sakini Emin Əliyev evlənmək eşqinə düşür.

Amma acınacaqlı maddi vəziyyət bəyə toy eləmək üçün əl vermirdi. Və o, öz xalası ilə bir yerdə yaşayan gözaltısını qaçırmaq fikrinə düşür. Qeyd etmək lazımdır ki, qız bu fikirlə razı deyildi.

Cavan oğlan öz fikrinə görə hiyləgər plan qurur, onu həyata keçirmək üçün isə tanışı, Ağstafa rayon sakini, çoban Mahal Əhmədova müraciət edir. Plana görə Mahal qızı qaçırtmalı idi.

Bazar ertəsi Əhmədov qızın yaşadığı evə gəlir və qapını döyür. Məlum olduğu kimi bu zaman qız evdə xalası ilə tək olur. Əhmədov qızı zorla həyətdəki maşına oturtmağı nəzərdə tutub.

Əhmədov özünü MKİ işçisi kimi təqdim etsə də, qapını ona açan olmayıb, hələ qız çobanı təhqir edərək getməsini tələb edib. Bütün bu səhnə səs-küylə müşayiət olunub. Üstünə daha çox diqqət çəkməməyi qərara alan Əhmədov  getmək qərarına gəlib.

Qəzəblənmiş çoban birbaşa sifarişçinin üstünə gedib. Bütün bunların Əliyevin fikirləşdiyi axmaq plana görə baş verdiyini deyən Əhmədov, qızı evdən qaçırmağın ağılsızlıq olduğunu deyib.

Mübahisə əsnasında cavanlar arasında münaqişə yaranıb, nəticədə Əhmədov Əliyevə bıçaqla xəsarət yetirib.

Evlənmə planı baş tutmayan bəy xəstəxanaya yerləşdirilib, Əhmədov isə 33-cü polis bölməsinin əməkdaşları tərəfindən öz evində həbs edilib.

Fakt üzrə istintaq aparılır.