Türkiyədə dabaq virusu yayılıb
28.03.2023 21:26
Türkiyənin Kastamonu vilayətində heyvanlardan keçən dabaq virusu aşkarlanıb. Bu barədə Türkiyənin "Posta" saytı Elazığ Kənd Təsərrüfatı və Meşə İl Müdirliyinə istinadən məlumat yayıb.
Virus nəticəsində İnebolu rayonunun 41 kənd və məhəlləsində karantin elan edilib.
Türkiyədə dabaq xəstəliyi səbəbindən heyvan satışı ilə məşğul olan bazarlar bağlanıb.
"Yeni bir xəbərdarlıq edilənə qədər heyvanların satışı və hərəkəti qadağandır. Əks halda, xəstəliyin yayılmasının qarşısını almaq məqsədilə nazirliyin tətbiq etdiyi tədbirlərə əməl etməyənlər 1159 lirə inzibati cərimə olunacaq",- Türkiyə Kənd Təsərrüfatı Nazirliyi bildirib.
Kənd Təsərrüfatı və Meşə Təsərrüfatı Nazirliyinin fermerlərə göndərdiyi mesaja görə, peyvənd tədqiqatlarına başlanılıb, aşkarlanan virusun SAT-2 olduğu bildirilib, özəl və dövlət sektioru tədqiqatlara başlayıb.
Dabaq xəstəliyinə qoşadırnaqlı heyvanlarda rast gəlinir. Xəstəliyin çox yüksək yoluxdurma sürəti var.
Virus heyvanların ayaq və ağız nahiyəsində yaranan yaralar vasitəsilə insanlara keçə bilər.
Dabaq xəstəliyi insanlarda birbaşa ölümcül olmasa da, virusun əlamətləri və simptomları insanlar üçün narahatlıq yarada bilər.
Zinyət Mehtiyeva
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
Foto
Video
