Qrossi - Zaporojye AES-dəki vəziyyəti çox təhlükəlidir

Zaporojye AES-də vəziyyət çox təhlükəli və qeyri-sabitdir, bunu Atom Enerjisi üzrə Beynəlxalq Agentliyin (MAQATE) rəhbəri Rafael Qrossi bildirib.

O, Ukraynada münaqişə başlayandan bəri stansiyanın 6 dəfə xarici enerji mənbəyi ilə əlaqəsinin kəsilməsinə diqqət çəkib ki, bu da reaktorları soyutmaq üçün təcili dizel generatorlarının işə salınmasına səbəb olub. Qrossinin narahatlığını bu reaktorları soyutmaq üçün istifadə edilən yaxınlıqdakı su anbarındakı suyun səviyyəsi artırıb. MAQATE rəhbəri qeyd edib ki, müəyyən səviyyəyə endirilsə, reaktorları soyutmaq üçün heç nə olmayacaq.

Qrossi bölgədə hərbi fəallığın gücləndiyini vurğulasa da, detalları açıqlamayıb.

Agentliyin rəhbərinin sözlərinə görə, onun AES ətrafında hərbisizləşdirilmiş zona yaratmaq ideyası qüvvədə qalır. O, bu məsələdə irəliləyiş əldə etmək üçün təkliflərə düzəliş etdiyini, həmçinin stansiyanın ətrafında zona yaratmaq fikrinə deyil, "insanların nə etməli və ya etməməli olduğuna” diqqət yetirməyə çağırıb.


www.anews.az