Ukraynanın dördqat dünya çempionu müharibədə həlak olub

Ukraynanın kikboksinq üzrə dördqat dünya çempionu Vitali Merinov davam edən müharibədə həlak olub.

Bu barədə İvano-Frankovsk şəhərinin meri Ruslan Martsinkiv yerli mətbuata açıqlama verib.

O bildirib ki, 33 yaşlı idmançı martın 30-dan 31-nə keçən gecə cəbhədə aldığı güllə yarasından sonra xəstəxanada ölüb

Vitali Merinov müharibənin ilk günlərindən döyüş bölgəsinə yollanıb. O, hətta bir dəfə ayağından qəlpə yarası alıb. Sağaldıqdan sonra isə yenidən cəbhəyə qayıdıb.