Litva qeyri-qanuni miqrasiyaya görə Belarusdan 120 milyon avro təzminat tələb edir

Litvanın xarici işlər naziri Qabrielius Landsbergis Belarusu bir çox bölgələrdən minlərlə insanın qeyri-qanuni miqrasiyasının təşkilində ittiham edərək, 120 milyon avro təzminat tələb edib.

Bu barədə Twitter hesabından verdiyi açıqlamada o bildirib ki, hüquqi proses Litvanın ədliyyə naziri Evelina Dobrovolska tərəfindən başladılıb.

Dobrovolska həmçinin Twitter hesabında bildirib ki, 2021-ci ildən Belarusdan Litvaya keçib Avropa İttifaqına (Aİ) daxil olmaq istəyən qeyri-qanuni miqrantların sayı artıb.