15 xəstə Qarabağdan Ermənistana aparılıb
11.04.2023 13:31
Beynəlxalq Qızıl Xaç Komitəsinin vasitəçiliyi ilə 15 xəstə Qarabağdan Ermənistanın ixtisaslaşmış tibb mərkəzlərinə aparılıb. Bu barədə "Supitnik armenia" məlumat yayıb.
Xəstələr arasında onkoloji diaqnozu olan, təcili cərrahi müdaxilə tələb edən patologiyaları olan, eləcə də implant korreksiyasından sonra xəstələr var.
İndiyədək Beynəlxalq Qızıl Xaç Komitəsinin vasitəçiliyi ilə Qarabağdan Ermənistana 305 xəstə aparılıb.
Dekabrın 12-dən başlayaraq bir qrup azərbaycanlı ekoloq Rusiya sülhməramlılarının nəzarəti altında olan ərazidə faydalı qazıntı yataqlarının qanunsuz istismarı əleyhinə etiraz aksiyası keçirir. Həmin müddətdə Qarabağın erməni əhalisi də azərbaycanlı ekoloqlara cavab olaraq iki etiraz aksiyası təşkil ediblər. Onların aksiya keçirməsinin əsas səbəbi Laçın dəhlizinin bağlı olması, əhalinin ərzaq, yanacaq və digər ehtiyaclardan məhrum edilməsi göstərilib.
Bu müddətdə bir sıra beynəlxalq təşkilatlar Azərbaycanı yolu açmağa çağırıb.
Azərbaycan hökuməti "Laçın dəhlizi”nin Rusiya sülhməramlı qüvvələrinin nəzarəti altında olduğunu vurğulayaraq, Ermənistanın iddialarını təkzib edib.
Rəsmi Bakı bildirib ki, Rusiya sülhməramlılarının nəzarətindəki ərazidə keçirilən aksiya siyasi deyil, ekoloji məqsəd daşıyır və Azərbaycan tərəfi həmin ərazilərdə yaşayan erməni əhalisinə istənilən dəstəyi göstərməyə hazırdır.
Rəsmi Bakı dəhliz ilə humanitar yüklərin daşındığını da vurğulayıb.
Aytac Zeynalova
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
Foto
Video
