“Azadlıq” radiosunun jurnalisti oğurlandı

Krımda “Azadlıq” radiosunun Ukrayna bürosunun müxbiri oğurlanıb. 

AzNews.az-ın “Azadlıq” radiosuna istinadən verdiyi məlumata görə, martın 16-da yarmadada keçirilən “referendum”la bağlı reportaj hazırlamaq üçün Krıma gələn radionun müxbiri Lev Stek naməlum şəraitdə oğurlanıb. 

Jurnalist deyib ki, Krıma avtobusla gəlib. Baxçasaray rayonunda özünü təqdim etməyən mülki geyimli şəxslər onu avtobusdan aşağı endirərək, başına torba keçiriblər. Sonra isə onu avtomobilin yük yerinə atıblar. 

Radionun əməkdaşının sözlərinə görə, onu harasa aparıblar və bu müddət ərzində o, avtomobilin yük yerində olub: “Mənə məxsus telefon, kamera və telefon nömrələrini alıb tulladılar. Sonra isə məni yarımsəhra bir əraziyə atdılar. Onlar dedilər ki, bir də Krıma gəlmə”. 

L. Stek əlavə edib ki, o, çətinliklə yaşayış məntəqəsi taparaq, təmsil etdiyi quruma vəziyyəti haqda məlumat verib. 

ANN.Az