Krımda ukraynalı polkovnik qaçırılıb

Krım Muxtar Respublikasının Yalta şəhərində Ukrayna Xarici Kəşfiyyat Xidmətinə məxsus hərbi hissənin komandiri, polkovnik İqor Losnikov naməlum silahlılar tərəfindən qaçırılıb.

Bu barədə Ukrayna Xarici Kəşfiyyat Xidməti açıqlama verib. Açıqlamada bildirilir ki, bu gün axşam saatlarında təxminən saat 17:00 radələrində İqor Losnikov evə gedərkən əynindəki formalarda heç bir fərqləndirici işarəsi olmayan naməlum silahlılar tərəfindən qaçırılıb. 

“İqor Losnikovun üzərinə küçədə avtomobilindən düşərkən hücum ediblər. Silahlılar polkovniki 7776 nömrəli qara “Mercedes VİTO” avtomobilinə otuzdurub naməlum istiqamətdə hərəkət ediblər”, - deyə açıqlamada qeyd olunur.

ANS Press