Ukrayna 510 Rusiya hərbiçisini məhv edib

 

Ümumilikdə müharibə başlayandan Ukraynanın tammiqyaslı işğalı zamanı Rusiya itkiləri artıq təxminən 188 920 nəfər təşkil edib.

Dünən Rusiyanın 2 tankı, 16 zirehli döyüş maşını, 10 artilleriya sistemi, 3 çoxlu raket sistemi, 1 hava hücumundan müdafiə qurğusu, 21 əməliyyat-taktiki səviyyəli PUA, 13 minik avtomobili və sistern ələ keçirilib.

Ötən sutka ərzində Ukrayna Silahlı Qüvvələri Rusiyanın 54 hücumunu dəf edib. 

 

Bildirilir ki, Baxmut istiqaməti ən çətin hissə olaraq qalır.

 

Ötən ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb.