Moskva pilotsuz uçuşlara qadağa qoyub
03.05.2023 16:56
Rusiya bütün pilotsuz uçuş aparatlarının (PUA) uçuşlarına qadağa qoyub. Bu barədə TASS-a çərşənbə günü paytaxt meriyasından verilən məlumatda bildirilib.
Məlumata görə, müvafiq protokol Moskvanın operativ qərargahının iclası zamanı imzalanıb.
Bildirlir ki, yalnız dövlət ehtiyacları üçün zəruri olduqda istifadə oluna bilər.
"İmzalanan sənəd pilotsuz uçuş aparatlarının şəhər üzərində uçuşlar üçün icazələrin verilməsi prosedurunu tənzimləyir. İndi belə icazələrin yalnız dövlət ehtiyacları üçün verilməsi planlaşdırılır", - hökumətdən bildiriblər.
Moskva operativ qərargahının iclası çərçivəsində qeyri-qanuni pilotsuz uçuş aparatlarının qarşısının alınması, hava məkanından istifadə qaydalarının pozulmasına görə vətəndaşların və təşkilatların inzibati məsuliyyətə cəlb edilməsi üzrə işlərin gücləndirilməsi barədə qərar qəbul edilib.
Moskvanın operativ qərargahı Rusiya Federasiyası Prezidentinin Rusiya Federasiyasının təsis qurumlarının ərazilərində dörd cavab rejiminin tətbiqi haqqında fərmanına uyğun olaraq yaradılıb. Fərman çərçivəsində yüksək vəzifəli şəxslərə ərazi müdafiəsi və mülki müdafiə ilə bağlı müəyyən tədbirlərin həyata keçirilməsi, əhalinin və ərazilərin təbii təhlükələrdən qorunması tədbirləri haqqında qərar qəbul etmək səlahiyyəti verilir.
www.anews.az
Facebook
Bizi Facebookda izləyin
Oxşar xəbərlər
Oxşar xəbərlər
Foto
Video
