BMT: 43 ölkədə bir milyard insan vəba riski ilə üzləşir
22.05.2023 22:44
Ümumdünya Səhiyyə Təşkilatı (ÜST) və BMT-nin Uşaq Fondunun (UNICEF) yaydığı birgə açıqlamaya görə, bir çox ölkənin vəba epidemiyası ilə üz-üzə olduğu bildirilib.
Açıqlamada yoluxma hallarının sayının artdığı və vəba epidemiyası ilə bağlı vəziyyətin 10 il əvvəlkindən daha pis olduğu qeyd olunub.
Bildirilib ki, hal-hazırda bir milyard insan vəba təhlükəsi ilə üz-üzədir və 5 yaşdan kiçik uşaqlarda bu risk daha yüksəkdir.
Açıqlamada qeyd olunub ki, vəbadan ölüm halları həyəcanverici səviyyədə artıb.
Bu il Malavi və Nigeriyada yoluxma sayının gözləniləndən çox olub. Malavi, Mozambik, Cənubi Afrika, Tanzaniya, Zambiya və Zimbabvedə yayılan infeksiyalar Cənub-Şərqi Afrikaya ciddi şəkildə təsir edib. Bu ilin fevral və martında Freddi qasırğası Malavi və Mozambikdə 800 min insanın məcburi köçkün olmasına və səhiyyə xidmətlərindən istifadə edə bilməməsinə səbəb olub. Buna görə də leysan yağışları və daşqınlar bölgədə vəba riskini artırıb.
Eltac Nurullazadə
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
Foto
Video
