Rusiyanın itkilərinin sayı açıqlanıb
16.06.2023 11:44
Son sutka ərzində Ukrayna Rusiyanın 600-ə yaxın hərbiçisini məhv edib. Bu barədə Ukrayna Baş Qərargahı məlumat yayıb.
2022-ci il fevralın 24-dən, 2023-cü il iyunun 16-dək Rusiyanın ümumi döyüş itkiləri 218 min 500 nəfər olub.
Ukrayna Müdafiə Qüvvələri tərəfindən Rusiyanın 3965 tankı, 7683 zirehli döyüş maşını, 3812 artilleriya sistemi və 606 reaktiv yaylım atəşi sistemi məhv edilib.
Bundan əlavə, Rusiyanın 364 hava hücumundan müdafiə sistemi, 314 təyyarəsi, 301 helikopteri, 3357 operativ-taktiki pilotsuz uçan aparatı, 1199 qanadlı raketi Ukrayna ordusu tərəfindən sıradan çıxarılıb.
Ötən ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb.
Eltac Nurullazadə
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
Foto
Video
