Müharibədə iştirak edən ukraynalı qadınların sayı açıqlanıb
04.07.2023 14:41
Ukrayna ordusunda hazırda 5000 ukraynalı qadın iştirak edir. Bu barədə "Ukrinform"-a Ukrayna müdafiə nazirinin müavini Anna Malyar Ümumukrayna Qadın Liderlik Forumunda deyib.
Onun sözlərinə görə, müharibə qadın və kişi arasında seçim qoymur.
"Müharibə qadınlarımızı da ölkəmizi müdafiə etməyə məcbur edib. Silahlı Qüvvələrdəki ukraynalı qadınlarla fəxr edirəm. İndi 42 min qadın hərbi qulluqçu var, mülki şəxslərlə birlikdə bu, 60 mindən çoxdur. Amma 5 min qadın cəbhə xəttindədir. Müharibənin kişi siması var, ona görə də qadınlarımız son dərəcə çətin tapşırıqları yerinə yetirir, ağır kişi işi ilə məşğul olurlar", - Anna Malyar əlavə edib.
O bildirib ki, müharibəyə gedən qadınların özləri cəbhə xəttini seçib. Onları heç kim məcbur etməyib.
Ukrayna ordusu son sutkada Rusiyanın 770 hərbçisini məhv edib. Müharibə başlayandan bu günə kimi Rusiyanın ümumi itkisi 231 030 nəfərə çatıb.
Ötən ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb.
Ötən ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb.
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
Foto
Video
