Ukrayna son həftədə gedən döyüşlərin sayını açıqlayıb

Ukrayna Silahlı Qüvvələri ilə Rusiya qoşunları arasında 170-dən çox döyüş olub. Bu sözləri Ukrayna müdafiə nazirinin müavini Anna Malyar telemarafonun efirində deyib.

"Kupyansk istiqamətində ötən həftə demək olar ki, hər gün düşmən hücuma keçib və hazırda da orada hücumlar davam edir. Qoşunlarımız orada düşmənin hücumlarını daim dəf edirlər. Düşmən Kupyansk istiqamətində irəliləməyə çalışdı. Lakin buna müvəffəq olmadı”,- o bildirib.

Anna Malyarın sözlərinə görə, rusiyalılar Ukrayna bölmələrini mühüm xətlərdən uzaqlaşdıraraq Oskol çayına doğru sıxışdırmağa çalışırlar və döyüşlər məhz bunun uğrunda aparılır.

 

Ukrayna Silahlı Qüvvələri son sutka ərzində 490 rus hərbçisini zərərsizləşdirib. Bu barədə Ukrayna Silahlı Qüvvələrinin Baş Qərargahı məlumat yayıb.
 
Müharibə başlayandan bəri zərərsizləşdirilən rus hərbçilərinin sayı 246 190-a çatıb.

 

Ukrayna Rusiya müharibəsi ötən ilin fevralın 24-dən başlayıb.