Pakistanda terror nəticəsində ölənlərin sayı 54-ə çatb

Taliban tərəfdarı müsəlman liderinin seçki mitinqi zamanı terrorçunun üzərində olan bombanın partlayşı nəticəsində ölənlərin sayı 54-ə çatıb. Bu barədə Al-Jazeera məlumat yayıb.

Zərərçəkənlər radikal siyasətçi və müsəlman lideri Fəzlur Rəhmanın rəhbərlik etdiyi "Camiat Ulama-e-İslam” partiyasının təşkil etdiyi mitinqdə iştirak ediblər. O özü isə Əfqanıstanla sərhəddə yerləşən Hayber Paxtunxva əyalətinin Bacaur rayonunda keçirilən aksiyada iştirak etməyib.

Xilasetmə işlərinə məsul olan Bilal Faizi bildirib ki, 90-a yaxın yaralı hələ də ölkənin şimal-şərqindəki Hayber Paxtunxva əyalətindəki xəstəxanalarda müalicə alır, ölənlərin sayı isə bazar ertəsi 54-ə çatıb.

Bazar günü baş verən partlayış 2014-cü ildən bəri Pakistanın şimal-qərbində baş verən ən dəhşətli dörd hücumdan biri olub, o zaman ki, Peşəvərdə ordunun idarə etdiyi məktəbə Taliban hücumu nəticəsində əksəriyyəti şagird olmaqla 147 nəfər həlak olub.

Bu ilin yanvarında Pişəvərdə məsciddə  bomba partlayışı nəticəsində 74 nəfər həlak olub. Fevralda isə Peşəvər polis qərargahının yerləşdiyi yüksək təhlükəsizlik kompleksinin içərisində məscidə qoyulan bombanın partlaması nəticəsində polis olmaqla 100-dən çox adam həlak olub.

Baş nazir Şehbaz Şərifin avqustda parlamenti buraxacağı və səsvermə üçün yol açacağı gözlənilir. Rəhmanın partiyası 2022-ci ilin aprelində keçmiş baş nazir İmran Xanı devirərək hakimiyyətə gələn Şərifin koalisiya hökumətinin bir hissəsidir.

Daha sonra bazar günü  Xan lkənin hər yerindən başsağlığı mesajları gəlməyə davam etdiyi üçün partlayışı pisləyib.

www.anews.az