Gürcüstan ABŞ avtomobillərinin Rusiyaya ixracına qadağa qoyub

Gürcüstan 2023 cü il avqustun 1-dən ABŞ istehsalı olan avtomobillərin Rusiyaya  ixracına qadağa qoyub. Bu barədə ölkənin Maliyyə Nazirliyinin gəlirlər xidmətindən məlumat verilib.

Həmçinin sentyabrdan Avropadan gətirilən avtomobillərə məhdudiyyətlər qoyulacaq.

Statistik məlumata görə,  bu ilin yanvar-iyununda Gürcüstan Rusiyaya ümumi dəyəri 52 milyon dollardan çox olan 3,7 mindən çox avtomobil ixrac edib.

Avropa İttifaqı 11-ci sanksiyalar paketi çərçivəsində Rusiyaya mühərrikinin həcmi 1,9 litrdən çox olan yeni və işlənmiş avtomobillərin, eləcə də elektromobillərin və hibridlərin tədarükünə qadağa qoyub.

 

Həmçinin Yaponiya hökuməti mühərrikinin həcmi 1,9 litrdən çox olan yeni və işlənmiş avtomobillərin Rusiyaya ixracını qadağan etməyi planlaşdırır. Bu barədə "Yomiuri” qəzeti mənbələrə istinadən məlumat yayıb.

Məlumata görə, qərar avqustun əvvəlində qüvvəyə minəcək.

 

Sanksiyalar Rusiyanın Ukraynadakı hərbi əməliyyatına cavab olaraq tətbiq edilib.

Aytac