Sloveniyaya təbii fəlakətin vurduğu ziyan yarım milyard avronu ötəcək

Güclü yağışlar nəticəsində yaranan daşqınların Sloveniyaya vurduğu ziyan 500 milyon avronu keçəcək.

Bu barədə Sloveniya Milli Təhlükəsizlik Şurasının geniş tərkibdə iclasının sonunda baş nazir Robert Qolob bildirib.

"Sloveniya yaxın tarixinin ən böyük təbii fəlakəti ilə üz-üzədir. Zərər ağlasığmazdır. O, mütləq 500 milyon avronu keçəcək. Qanunvericiliyə dəyişikliklər hazırlanır. Hökumət bu gün təbii fəlakətlərin aradan qaldırılması haqqında qanuna ilk düzəlişi nəzərdən keçirəcək”-deyə, o bildirib.