Vnukovo aeroportunda tətbiq olunan məhdudiyyətlər ləğv edilib

 

Moskvanın Vnukovo aeroportunda dron hücumu ilə əlaqədar tətbiq edildiyi güman edilən məhdudiyyətlər ləğv edilib.

Bu barədə aeroportun mətbuat xidməti açıqlayıb.

Moskva vaxtı ilə saat 11:55-dən (Bakı vaxtı ilə 12:55) etibarən məhdudiyyətlər götürülüb, aerovağzal kompleksi normal rejimdə işləyir.

 13:28

Moskva vaxtı ilə saat 10:26-dan (Bakı vaxtı ilə 11:26) etibarən Vnukovo hava limanında təyyarələrin eniş və uçuşuna müvəqqəti məhdudiyyətlər tətbiq edilib.

Bu barədə TASS-a aeroportun mətbuat xidməti bildirib.

"Aeroportdan asılı olmayan səbəblərə görə Vnukovo təyyarələrin qəbulu və buraxılışına müvəqqəti məhdudiyyətlər tətbiq edib”, - mətbuat xidməti bildirib.

Onlar əlavə ediblər ki, təhlükəsizlik məqsədilə səhər saat 10:26-dan (Bakı vaxtı ilə 11:26) etibarən uçuşların bir hissəsi Moskva aviasiya qovşağının digər hava limanlarına yönləndirilib.