Norveçdə daşqın səbəbindən 4 minə yaxın insan təxliyə edilib

Norveçdə "Hans” siklonunun səbəb olduğu daşqınlar və torpaq sürüşmələri nəticəsində azı 3 885 nəfər evlərini tərk etməli olub.

TASS xəbər verir ki, bu barədə NTB agentliyi məlumat yayıb.

Ölkənin qərb sahilindəki Ol şəhərini 1 000 nəfər, mərkəzi hissəsindəki Hönefoss şəhərini isə 1 714 nəfər tərk etmək məcburiyyətində qalıb. Təxliyə edilənlərin ümumi sayı hələ dəqiq hesablanmayıb, çünki onların bəziləri artıq evlərinə qayıdıblar.