İranda qum fırtınası nəticəsində azı 730 nəfər xəsarət alıb

İranın cənub-şərqindəki Sistan və Bəlucistan əyalətlərini bürümüş qum fırtınası nəticəsində azı 730 nəfər xəsarət alıb.

Bu barədə "Mehr” agentliyi məlumat yayıb.

Qeyd olunub ki, son dörd gündə ən azı 733 nəfər Sistan və Bəlucistanın şimalındakı tibb müəssisələrinə kömək üçün müraciət edib. Onlardan 58-i hələ də mütəxəssislərin nəzarəti altında qalmağa məcburdur.

Həkimlər sözlərinə görə, zərərçəkənlərin tənəffüs, eləcə də ürək-damar və görmə sistemlərində problemlər var.

Bu gün səhər saatlarında əyalətdə küləyin sürətinin 94 km/saata çatıb, üfüqi görünmə isə üç min metrə qədər azalıb. Sistan və Bəlucistanın beş şəhərində bütün dövlət qurumları bağlanıb.