Viktor Biyaqov KTMT nümayəndəliyindən geri çağrılıb

Ermənistanın baş naziri Nikol Paşinyanın təklifi və prezident Vaaqn Xaçaturyanın fərmanı  Viktor Biyaqov Ermənistanın Kollektiv Təhlükəsizlik Müqaviləsi Təşkilatındakı daimi və səlahiyyətli nümayəndəsi vəzifəsindən geri çağırılıb. Bu barədə Ermənistan mətbuatı məlumat yayıb. 

 

 

Bundan əlavə, Rusiya Xarici İşlər Nazirliyinin sözçüsü Mariya Zaxarova Ermənistanla Azərbaycan arasındakı sərhəd bölgəsində KTMT missiyasının yerləşdirilməsini təklif edib. 

 

Kollektiv Təhlükəsizlik Müqaviləsi Təşkilatının  "Sarsılmaz Qardaşlıq” adlı təlimləri artıq bir dəfə  2015-ci ildə Ermənistanda keçirilib. Həmin təlimlərdə  Rusiya Mərkəzi Hərbi Dairəsinin sülhməramlı briqadasının hərbçiləri, o cümlədən Ermənistan, Qazaxıstan, Belarus, Qırğızıstan və Tacikistandan olan 500-ə yaxın hərbçi iştirak edib.

2022-ci ildə KTMT ölkələrinin "Sarsılmaz qardaşlıq” hərbi təlimləri Qırğızıstanda keçirilməli idi, lakin bu ölkənin Müdafiə Nazirliyi səbəbini açıqlamadan təlimləri ləğv edib. 

 
KTMT 1994-cü ildə qüvvəyə minib. O zaman təşkilat 9 ölkədən ibarət olub.  Daha sonra  Azərbaycan, Gürcüstan və Özbəkistan bu təşkilatı tərk edib.