Avropada COVID-19-a yoluxma halları sürətlə artır-KİV

Bildirilib ki, Fransada artıq peyvəndlənmə ilə bağlı yeni kampaniya başlayıb.

 

"Bir çox Avropa ölkələrindən insanlar gücləndirici dozanın qəbul olunmasına çağırılır. Fransa, Almaniya, İspaniya, Polşa və Bolqarıstanda vaksinasiya ilə bağlı çağırış edilir”,- məlumatda bildirilib.

Bununla belə, Almaniya Səhiyyə Nazirliyindən bildirilib ki, hələ ki ölkədə ümumi karantinə ehtiyac yoxdur.

İtaliya Səhiyyə Nazirliyindən bildirilib ki, ehtiyac olarsa, yeni tədbirlər görülə bilər.

 

Azərbaycanda son 1 həftədə koronavirus (COVID-19) infeksiyasına 380 yeni yoluxma faktı olub, nəfər olub 221 nəfər isə sağalıb. Bu barədə Nazirlər Kabineti yanında Operativ Qərargahdan məlumat verilib.

Bildirilir ki, indiyədək ölkədə ümumilikdə 833 189 nəfərin xəstəliyə yoluxması faktı müəyyən edilib, onlardan 822 484 nəfər müalicə olunaraq sağalıb, hazırda 373 aktiv xəstə var. Bu günə qədər 10 332 nəfər vəfat edib.

Son həftə ərzində 223 nəfər vaksinasiya olunub.

Azərbaycanda bu günə qədər vurulan vaksinlərin ümumi sayı isə 13 969 897 olub.
 
2019-cu ilin dekabrında, Çinin mərkəzi Hubey əyalətinin Uhan şəhərində yerli Huanan ət və dəniz məhsulları bazarı ilə əlaqəli yerli sakinlərdə naməlum mənşəli pnevmoniya xəstəliyinin ilk aşkar olunması ilə başladı. Daha sonra bu virus sürətlə yayılmağa başladı. 
 
Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.
 
Azərbaycanda pandemiya 2020-ci ilin fevralında təsdiqlənib. 
 
Aytac Zeynalova