Avropa Parlamenti zəlzələ ilə əlaqədər Türkiyəyə yardımı təsdiqləyib

Kahramanmaraşda baş vermiş zəlzələ ilə əlaqədər  Avropa Parlamenti Türkiyəyə göndərəcəyi 400 milyon avroluq yardımı təsdiqləyib. Bu barədə Avropa Parlamentindən bildirilib.

Bildirilirki, parlamentarilərin 593-ü təklifin lehinə səs verib. 11 nəfər isə layihəyə qarşı çıxıb.

Avropa Parlamentinin müvafiq komitəsi layihəni sentyabrın 20-də təsdiqləmişdi.

 

Fevralın 6-da yerli vaxtla saat 04:17-də Türkiyənin Kahramanmaraş vilayətinin Pazarcık rayonunda 7,7 bal, saat 13:24-də isə Elbistan rayonunda 7,6 bal gücündə iki zəlzələ baş verib. Dərinliyi 7 kilometr olan zəlzələ 10 vilayətdə ciddi dağıntılara səbəb olub.
 
Zəlzələdən zərər çəkmiş 10 vilayətdə üç ay müddətinə fövqəladə vəziyyət rejimi elan olunub. Fevralın 20-də isə Hatay vilayətində 6.4 ballıq növbəti zəlzələ qeydə alınıb. Malatyada da 5.6 ballıq daha bir zəlzələ baş verib.

Türkiyədə zəlzələ nəticəsində həlak olanların sayı 50 500 nəfərə çatıb.

Zəlzələ nəticəsində 115 mindən çox insan yaralanıb. 

Dünyanın 100-ə yaxın ölkəsindən Türkiyəyə dəstək yardımı təklif olunub. Türkiyə prezidenti bildirib ki, bir il ərzində evləri dağılmış insanların evlərini tikib təhvil verəcək. 

Zəlzələdən sonra ölkədə 6 bala yaxına fterşoklar olub. 

BMT Türkiyədə baş verən zəlzələni "Əsrin fəlakəti" kimi qiymətləndirib.