Əliyevlə Paşinyanın Brüsseldə görüşü gözlənilir- Şarl Mişel

"Biz Azərbaycan və Ermənistan arasında münasibətlərin normallaşması üçün çox iş görmək niyyətindəyik”, - deyə Avropa Şurasının rəhbəri bildirib.

 

Politoloq Amid Əliyev hesab edir ki, Brüssel görüşündə sülh müqaviləsinin imzalanmasına çox var.

"Ermənistan tərəfi Azərbaycanın ərazisini tanımağa razıdır və artıq Azərbaycana qarşı heç bir ərazi iddiası yoxdur. Vaxtilə Vaşinqton görüşlərində Paşinyan Azərbaycanın ərazi bütövlüyünü tanıması barədə olan sənədlərə təhdid və təzyiqlərdən qorxduğu üçün imza atmaq istəmirdi,  lakin Qranada da ilk dəfə bu sənədə imza atdı. Bu səbəbdən Azərbaycan və Ermənistan arasında kritik məsələlərdə problem qalmayıb. Əsas problem ölkənin ərazi bütövlüyünün tanınması, Qarabağ münaqişəsi, suverenlik münaqişəsi idi. Belə olan halda ölkələr arasında sülh ilə bağlı ilkin razılaşma ola bilər. Sülh müqaviləsi imzalanmasına çox məsafə olduğunu düşünürəm lakin, bu istiqamətdə ölkələrin ərazilərinə hörmət etməsi ilə bağlı, hərbi əməliyyatların sonlanması ilə bağlı ümumi bir razılaşma ola bilər”, - politoloq bildirib.

Politoloqun  fikrincə, görüşdə yekun razılaşma olmayacaq.

"Məncə, hazırda yekun bir razılaşma olmayacaq. Yekun razılaşma ilə bağlı fərqli gözləntilər var. Ola bilsin, Rusiyanın moderatorluğu ilə Bişkekdə onunla bağlı addım atılsın və daha sonra davam etdirilsin, Brüssel də yenidən təşəbbüsü öz üzərinə almağa, sülh müqaviləsi məsələsində vasitəçi olmağa çalışsın”, - o vurğulayıb.

Bundan əvvəl Ermənistan və Azərbaycan bir-birinin ərazi bütövlüyünün qarşılıqlı tanınması barədə razılığa gəliblər.