Qəzza zolağında ölənlərin sayı açıqlanıb
23.10.2023 16:03
İsrailin Qəzza zolağına hücumu nəticəsində ölənlərin sayı 5 mini keçib. Bu barədə Qəzza bölgəsinin Səhiyyə Nazirliyi məlumat yayıb.
Bundan öncə Qəzza zolağında yaralı fələstinlilərin sayının 14 245 nəfər olduğu bildirilib.
İsrail tərəfindən saxlanılan HƏMAS tərəfdarlarının ümumi sayı təxminən 500 nəfər təşkil edib. Bu barədə TASS-a İsrail Müdafiə Ordusunun mətbuat xidməti məlumat verib.
"Hərbi əməliyyatların başlanmasından (7 oktyabr) bu günə kimi İordan çayının qərb sahilində keçirilən antiterror reydləri zamanı axtarışda olan 800-dən çox şəxs saxlanılıb, onlardan 500-ə yaxını HƏMAS-la əlaqəlidir”, - məlumatda bildirilir.
Oktyabrın 7-də HƏMAS İsrailə bir neçə min raket atıb və Əl-Əqsa Daşqını əməliyyatının başladığını elan edib.
Bunun fonunda İsrailin milli təhlükəsizlik naziri İtamar Ben-Qvir oktyabrın 7-də ölkədə fövqəladə vəziyyət elan edib.
İsrailin baş naziri Netanyahu ölkənin müharibə vəziyyətində olduğunu bəyan edib. İsrail ordusunun HƏMAS-a qarşı əməliyyatı "Dəmir qılınclar” adlandırıb.
Aytac Zeynalova
www.anews.az
Facebook
Bizi Facebookda izləyin
Oxşar xəbərlər
Oxşar xəbərlər
Foto
Video
