Ayasofiya Məscidi xaricilər üçün ödənişli olacaq

Yanvarın 15-dən Ayasofya Məscidinin ziyarəti xarici vətəndaşlar üçün ödənişli olacaq. Bunu türkiyənin Mədəniyyət və Turizm naziri Mehmet Nuri Ersoy deyib.

"Ayasofyada ziyarətçi idarəetmə tətbiqinə keçirik. Ziyarət keyfiyyəti və təhlükəsizliyi artırılacaq. Göz bəbəyimiz olan məscidimiz, bəşəriyyətin ortaq irsi və cazibə mərkəzimiz olan Ayasofya çox yaxşı təbiəti qoruyan bir ekosistemə daxil ediləcək. Məscidə ibadət üçün gələn Türkiyə vətəndaşlarının ibadət yerlərində heç bir dəyişiklik yoxdur. Xarici vətəndaşların gəlişi üçün giriş qapısını dəyişərək Topqapı sarayının yerləşdiyi yuxarı mərtəbədəki qapıya keçirilir. Xarici vətəndaşların, turistlərin yanvarın 15-dən etibarən Ayasofya Məscidinin ziyarəti ödənişli olacaq", - Mədəniyyət və Turizm naziri Mehmet Nuri Ersoy Atatürk Mədəniyyət Mərkəzində turizm məlumatatları və Ayasofya məscidinin bərpası da daxil olmaqla gündəmdəki məsələləri qiymətləndirmək üçün keçirilən mətbuat konfransında qeyd edib. 

 

Türkiyənin İstanbul şəhərində yerləşən, əvvəl provoslav kilsəsi, daha sonra məscidə çevrilən məbəd Ayasofia məscidi qısa müddət muzey kimi istifadə olunub. 2020-ci il 11 iyul tarixindən yenidən məscid kimi fəaliyyət göstərir. Bizans dövrünə aid olan Ayasofiya Bizansın "qızıl əsrinin" simvolu sayılır.