Fələstin-İsrail müharibəsində ölən jurnalistlərin sayı açıqlanıb

"Müharibə başlayandan ümumilkdə 46 media nümayəndəsi raket hücumları, hava zərbələri  və  iş zamanı ölüb”, - məlumatda bildirilib.

 

Bundan əvvəl BMT-nin İnsan Haqları üzrə Ali Komissarı Volker Türk ilin əvvəlindən dünyada ən azı 46 jurnalistin öldürüldüyünü, bu peşənin ən azı 531 nümayəndəsinin isə nəzarətə alındığını qeyd edib. BMT-nin ali komissarı media nümayəndələrinə hücumların qəbuledilməz olduğunu vurğulayaraq, cəzasızlığa son qoymağa çağırıb.

Bundan əvvəl Jurnalistləri Müdafiə Komitəsi 2023-cü il oktyabrın 7-dən noyabrın 2-dək Fələstin-İsrail münaqişəsi zonasında ən azı 36 jurnalistin öldürüldüyünü bildirmişdi.

 

Oktyabrın 7-də HƏMAS İsrailə bir neçə min raket atıb və Əl-Əqsa Daşqını əməliyyatının başladığını elan edib.
 
Bunun fonunda İsrailin milli təhlükəsizlik naziri İtamar Ben-Qvir oktyabrın 7-də ölkədə fövqəladə vəziyyət elan edib.

İsrailin baş naziri Netanyahu ölkənin müharibə vəziyyətində olduğunu bəyan edib. İsrail ordusunun HƏMAS-a qarşı əməliyyatı "Dəmir qılınclar” adlandırıb.

 

Aytac