Növbəti G7 sammiti İtaliyada keçiriləcək

Yeddilik Qrupunun (G7) növbəti sammiti gələn il iyunun 13-dən 15-dək İtaliyanın Apuliya bölgəsində keçiriləcək.

Bu barədə İtaliyanın baş naziri Corca Meloni sosial şəbəkədəki səhifəsində məlumat verib.

"İtaliyanın G7-yə sədrliyi zamanı əsas mövzular Afrika və miqrasiya məsələsi olacaq. Gələn il ərzində müxtəlif nazirliklərin himayəsi altında tədbirlər keçiriləcək, lakin əsas tədbir - liderlər sammiti iyunun 13-dən 15-dək Apuliyada baş tutacaq”, - baş nazir deyib.