Blinken İsrailə səfər edib
30.11.2023 13:22
ABŞ dövlət katibi Entoni Blinken İsrailə gedib. Bu barədə Dövlət Departamentinin mətbuat xidmətinin rəhbəri Metyu Miller məlumat verib.
O, həmçinin Fələstin hakimiyyəti ilə danışıqlar aparmaq üçün İordan çayının qərb sahilinə səfər edib.
Bu, HƏMAS ilə münaqişənin kəskinləşməsindən sonra onun Yaxın Şərq ölkəsinə dördüncü səfəridir.
"Dövlət katibi Antoni Blinken İsraildə və İordan çayının qərb sahilində olarkən, qalan bütün girovların azad edilməsi və Qəzzaya humanitar yardımın çatdırılmasını sürətləndirmək üçün gələcək səyləri müzakirə etmək üçün İsrail və Fələstin rəhbərliyi ilə görüşəcək”, - Miller bildirib.
Reuters ABŞ administrasiyasının rəsmilərinə istinadən qeyd edir ki, Vaşinqton İsraildən sektorun cənubundakı döyüşlər zamanı "fələstinli mülkiləri qorumaq və infrastruktura dəyən ziyanı məhdudlaşdırmaq üçün daha ehtiyatlı davranmağı” tələb edir.
İsrailə səfərindən sonra Blinken BMT-nin İqlim Dəyişikliyi üzrə Çərçivə Konvensiyasının (COP28) Tərəflər Konfransının 28-ci sessiyasında iştirak etmək üçün Birləşmiş Ərəb Əmirliklərinə səfər edəcək.
ABŞ rəsmisi səfər çərçivəsində İordan çayının qərb sahilinə getməyi və Fələstin rəsmiləri ilə görüşməyi planlaşdırır.
Çiçək Sadatova
N.Təbrizli
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
Foto
Video
