Türkiyə ordusu daha 54 terrorçunu məhv edib

Türkiyə ordusu son 36 saat ərzində 54 terrorçunu məhv edib. Bu barədə Türkiyə Prezidenti Rəcəb Tayyib Ərdoğan bildirib.

"Terrorçuların son hücumları zamanı 12 türk əsgəri şəhid olub, lakin onların qanı yerdə qalmayıb. Türkiyə dövləti terrora qarşı mübarizəsini qətiyyətli şəkildə davam etdirəcək" - Ərdoğan qeyd edib.

 

Türk ordusu yanvarın 1-dən noyabrın 16-na qədər İraq və Suriyanın şimalı da daxil olmaqla 2 min 84 terrorçunu zərərsizləşdirib. Bu barədə Türkiyənin milli müdafiə naziri Yaşar Gülər bildirib.

O qeyd edib ki, xüsusilə son 4 ayda İraq və Suriyanın şimalındakı terror hədəflərinə qarşı ümumilikdə 1 min 110 hədəf məhv edilib, 820 terrorçu zərərsizləşdirilib.

Bundan əlavə, il ərzində 122 terrorçu təslim olub.

Nazir onu da qeyd edib ki, yanvarın 1-dən bu günədək 199 min 898 nəfərin Türkiyə sərhədlərindən qanunsuz şəkildə keçməsinin qarşısı alınıb. 13 min 156 qeyri-qanuni mühacir və 410-u FETÖ-çü olmaqla 590 terrorçu hüquq-mühafizə orqanlarına təhvil verilib.
 
Aytac Zeynalova