İranda fabrikdə yanğın baş verib, 50-dən çox şəxs xəsarət alıb

İranın Əlborz əyalətindəki kosmetik vasitələr fabrikində baş verən yanğın nəticəsində azı 53 nəfər xəsarət alıb.

Bu barədə İRNA agentliyi məlumat yayıb.

Məlumata görə, yanğına qaz məhlulunun partlaması səbəb olub.

Hadisə vilayətin cənub-şərqində yerləşən sənaye şəhərciyində baş verib.

Zərərçəkənlərin aparıldığı əyalət tibb mərkəzinin rəhbəri bəzi yaralıların vəziyyətini ağır olaraq qiymətləndirib.


Yanğınsöndürənlər alovun lokallaşdırılmasına nail olublar.