Qəzzada daha bir jurnalist vəfat edib

İsrail ordusunun Qəzza zolağına hücumları nəticəsində daha bir jurnalist vəfat edib. Bu barədə Fələstinin rəsmi WAFA agentliyi məlumat yayıb.

İsrail təyyarələri Qəzzanın mərkəzi hissəsində yerləşən Əz-Zəvayidə bölgəsində jurnalist İsam əl-Lulunun evini hədəf alıb. Nəticədə jurnalist Lulu, həyat yoldaşı, oğlu, gəlini və nəvəsi həlak olub.

Bununla da, Qəzza zolağında 7 oktyabr 2023-cü ildən bəri həyatını itirən jurnalistlərin sayı 121-ə çatıb.

 

Qəzza zolağında öldürülənlərin sayı 24 min 762-yə yüksəlib. Bununla bağlı Səhiyyə Nazirliyi açıqlama yayıb.

Səhiyyə Nazirliyi əlavə edib ki, son 24 saat ərzində İsrailin Qəzza zolağında həyata keçirdiyi əməliyyatlar nəticəsində 165 nəfər ölüb, ən azı 280 nəfər yaralanıb. Ölənlərin bəzilərinin cəsədləri hələ də dağılmış binaların dağıntıları altında və anklavın yollarında qalır, həkimlər və xilasedicilər hələ də onlara çata bilmirlər.

 

Oktyabrın 7-də Qəzza zolağından HƏMAS yaraqlılarının İsrail ərazisinə soxulmasından sonra Yaxın Şərqdə vəziyyət kəskin şəkildə pisləşib və bu, sərhədyanı qəsəbələrin sakinlərinin öldürülməsi, uşaqlar, qadınlar və qocalar da daxil olmaqla 200-dən çox girov götürülməsi ilə müşayiət edilib.

İsrail tərəfi baş verənlərə cavab olaraq bu günə qədər davam edən "Dəmir qılınclar” əməliyyatının başlandığını elan edib.

Aytac