İranda 9 Pakistan vətəndaşı öldürülüb

İranın Pakistanla sərhəddə yerləşən Sistan və Bəlucistan əyalətində naməlum şəxslərin hücumu nəticəsində azı 9 Pakistan vətəndaşı ölüb, 3-ü yaralanıb.

Bu barədə "Tasnim” agentliyi məlumat yayıb.

Bildirilib ki, üç silahlı şəxs əcnəbi vətəndaşların evinə atəş açmağa başlayıb və sonra cinayət yerindən qaçıb.

Agentlik yazır ki, bu, Sistan və Bəlucistan əyalətində baş verən ilk belə hadisə deyil. Yanvarın 27-də İran KİV naməlum şəxslərin silahlı hücumu nəticəsində orada 9 əcnəbinin həlak olması barədə məlumat yayıb.