Avropa İttifaqı Çin, Türkiyə və Hindistan şirkətlərinə sanksiya tətbiq edib

"Şura Ukraynaya qarşı aqressiv müharibədə Rusiyanın hərbi-sənaye kompleksini birbaşa dəstəkləyənlər siyahısına 27 hüquqi şəxsin adını əlavə edib. Onlar ikili təyinatlı mallar və texnologiyalar üzrə daha sərt ixrac məhdudiyyətlərinə məruz qalacaqlar”, - Aİ Şurasının press-relizində deyilir.

Bura dörd Çin şirkəti, o cümlədən Hindistan, Şri-Lanka, Serbiya, Qazaxıstan və Türkiyədə çalışan  şirkətlər daxildir. . Aİ Şurası bildirir ki,  bu strukturlar məhdudiyyətlərdən yan keçərək Rusiya hərbi sənayesini və silahlı qüvvələrini dəstəkləyib.

"Bu günkü qərara uyğun olaraq, Rusiya müdafiə və təhlükəsizlik sektorunun texnoloji inkişafına töhfə verə biləcək qadağan olunmuş malların siyahısı genişlənir və pilotsuz uçuş aparatlarının inkişafı və istehsalı üçün komponentlər əlavə olunur", - press-relizdə qeyd olunub.

Aİ, elektrik transformatorları kimi "Rusiyanın sənaye potensialının inkişafına" töhfə verən malların ixracına əlavə məhdudiyyətlər tətbiq edib. 

 

Sanksiyalar Rusiyadan olan 106 fiziki və 88 hüquqi şəxsə şamil olunacaq.

 

Beləliklə, onların tabeliyində artıq 2 minə yaxın insan və müəssisə olacaq. Bəyanatda deyilir ki, bu gün razılaşdırılmış siyahılar ilk növbədə hərbi və müdafiə sektorlarına və "onlarla əlaqəli şəxslərə, o cümlədən Şimali Koreyanın Rusiyaya silah tədarükündə iştirak edənlərə” yönəlib.