Tbilisidə etiraz aksiyaları zamanı saxlanılanların sayı açıqlanıb- VİDEO

Tbilisinin mərkəzində "Xarici təsirin şəffaflığı haqqında” qanun layihəsinə qarşı keçirilən aksiyada 63 nəfər saxlanılıb. Bu barədə Gürcüstan daxili işlər nazirinin müavini Aleksandr Daraxvelidze deyib. 

 

Məlumata görə, hüquq-mühafizə orqanlarının 6 əməkdaşı xəsarət alıb. Həmçinin etirazçılar arasında toqquşmalar yaşanıb.

 

Gürcüstanın hüquq-mühafizə orqanları Tbilisidə parlament qarşısında xarici agentlərlə bağlı qanun layihəsinə etiraz edənlərə qarşı bibər qazından istifadə etməyə başlayıblar.

Polis və xüsusi təyinatlılar etirazçıları parlament binasının arxa hissəsindən uzaqlaşdırmağa çalışır. Hüquq-mühafizə orqanlarının əməkdaşları su şırnaqlarından istifadə edirlər.

 

Nümayişçilər daha sonra parlament binasından bir neçə kilometr aralıda yerləşən Avropa meydanına doğru yürüş etməyə başlayıblar.