Türkiyədə inflyasiya 70%-ə yaxınlaşıb

Qiymət artımı əsasən təhsil, restoran xidmətləri və mehmanxana sektorlarında  müşahidə olunub. 

Türkiyə Statistika Qurumunun verdiyi məlumata görə, istehlak qiymətləri inflyasiyasında aylıq artım mardakı 3,16%-dən 3,18%-ə artıb. 

Reuters-in sorğusuna qatılan analitiklər apreldə illik inflyasiyanın 70,33% səviyyəsində proqnozlaşdıraraq, aqressiv bir illik monetar sərtləşdirmə dövrü nəticəsində 2024-cü ilin sonuna kimi 43,5%-ə düşəcəyini gözləyirdilər.

İllik ən yüksək artım 103,86% təhsil sektorunda, 95,82% restoran və mehmanxana xidmətlərində müşahidə olunub. Eyni zamanda, ərzaq məhsullarının və alkoqolsuz içkilərin qiymətləri 68,50% bahalaşıb.