Gürcüstanda tələbələr qanuna etiraz yürüşlərinə başlayıb

 

Bildirilib ki, hazırda Rustaveli prospekti ilə parlament binasına yürüş edir, yürüşlə əlaqədar olaraq prospektin bəzi hissəsində avtomobillərin hərəkəti məhdudlaşıb.

 

Məlumata görə, bu gün tələbələrin tətili başlayıb, qanuna etiraza 30 üniversitet qoşulub. 

 

Aksiyaya Tbilisi Dövlət Universiteti, Şota Rustaveli adına Batumi Dövlət Universiteti, GIPA Universiteti, Qriqol Robakidze Universiteti, Qafqaz Universiteti, Alte Universiteti, İliya Universiteti, İncəsənət Akademiyası, Aqrar Universitet, Tibb Universiteti, Şota Rustaveli adına Teatr və Kino Universiteti dəstək verib. Aksiyaya Rustaveli, Sulxan-Saba Orbeliani Universiteti, Batumi Dəniz Akademiyası və digər universitetlər də qoşulublar.

 

Aprelin 4-də Gürcüstanın paytaxtı Tbilisidə "Xarici agentlər haqqında” qanuna qarşı etiraz aksiyası başlayıb.
 
Aksiya zamanı yüzlərlə insan parlamentin qarşısındakı Rustaveli prospektinə toplaşıblar.

Aksiya etirazçılarının fikirincə, qanunun qəbulu ölkədə QHT və siyasi partiyaların fəaliyyətinə ciddi təsir edəcək.

"Xarici təsirin şəffaflığı haqqında" qanun layihəsi ötən ilin ortalarında müxalifətin təkidi ilə parlamentin müzakirəsindən çıxarılıb. Hakim "Gürcü Arzusu - Demokratik Gürcüstan” partiyası qanun layihəsini yenidən parlamentə təqdim edib. Bu da yenidən ciddi etirazlara səbəb olub. 
 
"Xarici təsirin şəffaflığı haqqında” qanun layihəsi Gürcüstan parlamentinin hüquq komitəsində sonuncu, üçüncü oxunuşda müzakirə edilib və qəbul olunub.

Mayın 14-də isə ölkənin qanunverici orqanı üçüncü oxunuşda layihəni müzakirə edəcək.

Aygün