Ermənistanda etiraz aksiyasında 9 nəfər saxlanılıb - Video/Yenilənib
30.05.2024 13:15
İrəvanda etiraz aksiyası zamanı 9 nəfər saxlanılıb. Bu barədə Ermənistan Daxili İşlər Nazirliyinin mətbuat xidməti məlumat yayıb.
Məlumata görə, iki nəfər İrəvanın Respublika meydanında, digər yeddi nəfər isə Myasnikyan prospektində saxlanılıb ki, burada daha əvvəl nümayişçilər ərazilərdən birini bağlayıblar.
***
Mayın 30-da "Vətən naminə Tavuş” hərəkatının iştirakçıları İrəvanda Respublika meydanında itaətsizlik aksiyasına başlayıblar. Bu barədə Ermənistan KİV məlumat yayıb.
Bildirilib ki, hazırda əraziyə polis qüvvələri cəlb olunub. Kordon yaratmış silahlı polis qüvvələri Melik-Adamyan küçəsinə gedən ərazini bağlayıblar.
Həmçinin qeyd olunub ki, polis qüvvələri Nazirlər Kabinetinin iclasının keçiriləcəyi Hökumət binasına bitişik əraziyə də yerləşdirilib.
Bu gün Ermənistan Nazirlər Kabinetinin növbəti iclası başlayıb.
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
Foto
Video
