Türkiyənin 5 vilayətində meşə yanğınları başlayıb

Türkiyənin Çanaqqala, İstanbul, Muğla, Sinop və İzmir vilayətlərində meşəlik ərazilərdə yanğın başlayıb.Bu barədə "TRT Haber” məlumat yayıb.

İstanbul və İzmirdə yanğın nəzarət altına alınıb.

Hazırda Çanaqqala, Sinop və Muğlada alovlara mübarizə tədbirləri davam edir.

Məlumata görə, 8 təyyarə və 4 helikopterlə yanğınsöndürmə işləri aparılır.

Meşəlik ərazilərə yaxın bölgələrdə yaşayanlara ehtiyatlı olmaları ilə bağlı xəbərdarlıq edilib.