Dünyada 250 mln uşaq təhsil ala bilmir - UNESCO

 

Bildirilib ki, təhsil sahəsində onilliklər ərzində əldə edilmiş irəlilələyişlərə baxmayaraq aşağı və orta gəlirli ölkələrdə 10 yaşlı uşaqların 70%-i sadə yazılı mətnləri başa düşə bilmir. 

 

Son dərc olunan hesabata görə, təhsil bir ölkənin iqtisadiyyatı üçün ən yaxşı invesitisiya hesab edilir. Buna görə də, məktəbdən kənarda qalan uşaqlar və təhsildəki boşluqlar qlobal iqtisadiyyata ildə 10 000 milyard dollara başa gəlir ki, bu da Fransa və Yaponiyanın birgə illik ÜDM-inə bərabərdir. 

 

Hesabatda məktəbi erkən bitirənlərin, əsas bacarıqları olmayanların nisbətinin cəmi 10% azaldılması ÜDM-in illik tempini 1-2% artıracağı təxmin edilir.

 

Əsas bacarıqların mənimsənilməsindəki boşluqlar bütün dünyada gənc qızlar arasında erkən hamiləliyin 69% artması ilə əlaqələndirilir.

 

Hamı üçün keyfiyyətli təhsil məqsədinə nail olmağa görə, UNESCO-nun hesabatında 10 tövsiyə verilir.

 

"Bunlardan birincisi odur ki, hökumətlər hər bir qız və oğlan üçün ən azı on iki il pulsuz, dövlət tərəfindən maliyyələşdirilən təhsilə zəmanət verməlidir.

  

Keyfiyyətli təhsildən yararlana bilməyən və ya təhsili yarımçıq qalan gənclər üçün də "ikinci şans” proqramları hazırlanmalıdır.

Tədris mühiti həm də təhlükəsiz və əhatəli olmalıdır.

 

Siniflərin ölçüləri kiçik olmalı, dərslərdə isə gender bərabərliyinə xüsusi diqqət yetirilməlidir", - tövsiyələr sırasında qeyd olunub. 

UNESCO həmçinin dövlətləri yerli icmaları, ailələri qızların və oğlanların təhsilinə bütün dövrünü başa vurmasının vacibliyi barədə məlumatlandırmağa, valideynləri məktəb fəaliyyətlərinə, idarəçiliyinə cəlb etməyə təşviq edir.

 

Aygün Mirakif